束草吃貨推介：超鮮甜抵食海膽

束草是個海邊小市鎮（漁村），有豐富的海洋資源，所謂靠海食海，漁民每天都會將捕獲的海鮮拿出來賣。最出名的是魚生刺身，每年4-5月，10-11月都是魚生最鮮甜美味的時候。至於春天就食比目魚、紅鯛、鱸魚最好，秋天吃鯽魚。如果想吃，最好去大浦港和東明港，那邊的魚生店較集中。

其他束草的特色美食有鱿鱼米腸、蕎麥面、冷面、纯豆腐等。

呢間束草海鮮店（봉포머구리집）係網友介紹，必食係海膽飯，海膽一大PAT，唔似香港一碗得幾啖，就百幾二百元。呢度一碗12,000 WON，大約港幣$80，食完一碗已好滿足。

海膽飯同紫菜、芽菜係 best friends，夾到爆。一啖入口，又甜又鮮，好豪。成碗海膽上，另外有白飯跟。

鱿鱼米腸係魷魚圈內，釀入糯米、紅蘿蔔、洋䓤同芝蔴葉。沾上蛋漿後再煎，好香口。

我地兩個女仔，一人一碗海膽，一碟魷魚米腸，加埋成枱前菜，送的紫菜湯，已經飽到上心口。其實呢度仲有海鮮涼拌麵，都好出名，我地當日就見到好多枱都叫，不過一碟實在太大，沒有四五人是吃不完的。

網上圖片

南韓人的食量比我們多，這枱客只有2人，但都點了這個海鮮涼拌麵。

海鮮店的位置不好找，我地都係搭的士去。在束草的的士費唔貴，同香港一樣。不過南韓的士司機英文較差，上車前最好俾定韓文的地址佢，確定司機識路先上車。